حريق كاتدرائيه نوتردام بفرنسا - الدكتور

حريق كاتدرائيه نوتردام بفرنسا

شارك:
انتشر خبر مفزع بخصوص حريق هائل ف كاتدرائيه نوتردام 
بفرنسا والفاعل مجهول ؟

ولكن تعالي نبص للموضوع من نظره تانيه
اتبرع الملياردير برنار أرنو وهو اغني رجل ف أوروبا وثالث اغني رجل ف العالم  ب ٢٠٠ مليون يورو=٢٢٦مليون دولار  لاعاده ترميم الكنيسه
كما ساهم ملياردير فرنسي اخر بحوالي ١٠٠ مليون يورو أي ما يعادل ١١٣ مليون دولار
لترميم الكنيسه 
انا معاك أن الكنيسه دي عباره عن علم تاريخي للعالم كله  لأكثر من ٨٥٠ سنه وتم الانتهاء من بناءها عام ١٣٤٥ م
ولكن
ليه بنتعبر أن الكنائس أو المساجد أو حتي الاثر التاريخي اهم من البشر ؟! 
ليه بنتعبر حريق كنيسه أو هدم مسجد حاله طارئه؟! ولازم ع رجال الأعمال أنهم يتبرعوا مع أن ف ناس يوميا بتموت من الجوع وقله الحيله والفقر والمرض! ومحدش يعرف عنهم حاجه أو حتي حد بيهتم لامرهم
ليه الفقير مش بنتعامل معاه علي أنه حاله طارئه ؟!
مع أن معدل الفقر ف العالم اكثر من ٥٠٪ يعني نص العالم مش لاقيين اكل او بيت او اسره
دول في افريقيا حياتهم عباره عن مجاعات
جسدهم عباره عن جلد علي عضم
ولكن من يهتم ؟!
فانت لو من النص التاني احمد ربنا جدا ⁦❤️⁩
مين اهم الانسان ولا المبني التاريخي ؟!
المشكله ان لما بيجي حد يسرق عشان يأكل
القانون والأديان بتدينه وتجرمه وتسجنه
مع أنه سرق عشان يأكل اللي هو المفروض حق طبيعي من حقوق الإنسان  !
انا مش ببرر السرقه طبعا ولكن بنبه علي أن عمر ما كان اي شئ ف الدنيا اهم من الإنسان
الانسان اللي ربنا سلطه ع كل الارض وجعله فيها خليفته وأحبه وميزه عن كل مخلوقاته
للأسف
اصبحنا ف مجتمعات تهاب الدين وتحتقر الإنسان
اصبحت الأديان سياسات
اصبحت الكنائس والمساجد وكل دور العباده اهم من اللذين خلقهم الله ليعبدوه
انا بحلم بعالم يحترم البشر ثم اي شئ آخر انا مش بقلل من الدين أو اي شئ ولكن الهدف من كلامي الاهتمام بعلو شأن الإنسان
اخيرا الله لن يسألنا عن نوعيه السجاد المفروش ف الجوامع والكنائس أو الأرضيات مما صنعت ولكن سيسألنا عما فعلنا بعبيده الفقراء ☝️

ليست هناك تعليقات

s --> gtag('set', {'user_id': 'USER_ID'}); // Set the user ID using signed-in user_id. ga('set', 'userId', 'USER_ID'); // Set the user ID using signed-in user_id.