DMOZ Directory Web Directory رقه قلب ورهافه دولة امريكا ...دقي يا مزيكا - الدكتور

رقه قلب ورهافه دولة امريكا ...دقي يا مزيكا

شارك:

مشكلتنا دايما اننا بنتسرع في اتخاذ الاحكام..

رقه قلب ورهافه دولة امريكا ...دقي يا مزيكا

لو جات سيرة فلسطين نقول امريكا منحازه لاسرائيل..ولو قامت الحرب في العراق نقول امريكا قوية ومقتريه ومعندهاش ديمقراطيه ومع كل موقف نظلم امريكا كده ينفع ؟؟

ولكن الزمن والايام دايما بيظهروا الحقيقه وينصفوا اللي اتظلم مفيش اطيب من امريكا يا جماعه ولا احن ولا اجمل ولا ارق من قلب امريكا!!
منذ اكثر من 15 عام حدث امر هز الضمير الامريكي في ولايه اوكلاهوما سيتي وحرك الشرطه لانقاذ 30 الف فار من قسوه صاحب المزرعه يربي الفران بهدف بيعها كغذاء للثعابين والربح منها ....

رجل امريكي مجاور للمزرعه اشتكي من رائحه نتنه تنبعث من حظيره الفئران ووجهت لصاحب المزرعه تهمه القسوه علي الحيوانات واجبار الفئران علي الحياه في ظروف معيشيه قذره وحقيره وغير صحيه !!

فهذا الخبر يا اصدقائي يؤكد علي رهافة قلب امريكا وحنيتها علي الحيوانات مش بس اليني ادمين وده طبعا كان في حكم بوش

طب ليه يا ست امريكا اللي بيحصل في العراق وفلسطين وفي دول تانيه كتير للاطقال االلي بيموتوا كل يوم وللامهات وللناس اللي بيوتهاا بتدمر بلدهم بتحتل بس !! وده شئ طبعا مش مهم ميكي ماوس اهم طبعا مش مهم الاطفال المشردين والجعااانين !!
بس يكون في معلومك الفار في امريكا يا صديقي اغلي مني ومنك بعض الفران يصل تمنها ل6 مليون جنيه في حاله لو كان فار تجارب علميه !!
انما انت لو مت في حادثه قطر ولا حاجه هنراضي اهلك ب 50 الف ويبقي حلو عليك اوي كده انت هتطمع حتي وانت ميت!!
زي فار اسمه "شوازنجر" اللي كانوا بيجربوا عليه ادويه بتقوي العضلات والفار "بيتهوفن" اللي كان مش بيسمع والفار الماراثوني اللي بيتميز بسرعته في المسابقات وكل فار وليه تخصص يا صديقي
انما احنا؟ علي رأي عادل امام : احنا ولاد كلب !

وبالمناسبه المصريين جدعان وساعه التهديد الامريكي بضرب العراق..بقرر المصصريين انهم يقاطعوا المنتجات والبضائع الامريكيه وحتي الماركتا الامريكيه حركه حلوه يا مصريين بس يارب تبقوا قدهاا!!
وكنا كمان مش عايزين نستورد منهم القمح ( المم) وعشان كده قام كيميائي عظيم خريج كليه علوم واخترع تركيبه جديده لرغيف العيش النسبه الاكبر من مكوناته الارز مع السكر مع اقل كميه من القمح عشان نقدر نحقق المقاطعه بكل صورها
وبالفعل قام رايح للمركز القومي للبحوث عشان تتم المعاينه وشاف المختصون انه مناسب من حيث شكله وطعمه وقيمته الغذائيه طبعا واتبقي حاجه واحده بس ؟؟؟؟

انهم يجربوا الرغيف علي فار التجارب اوباااااا !!
صحيح اننا في مصر بيجربوا علينا اللحوم الفاسده والاكل المغشوش والمشروبات منتهيه الصلاحيه لكن الا العيش هنهزر ولا ايه هي كبرت بقي في دماغنا ومش هنوافق الا لما سياده الفار يجرب ويدوق ويقول كلمته ؟!!!!
بس يا سيدي واتاخر اصدار القرار في المركز لان مكانش فيه فران ساعتها وكانوا محتاجين يستوردواا فار لان البلدي مينفعش
المشكله ان الفار اللي عايزين يستوردوه من امريكا!!
صباح الفل !!
د/ جيهان في اكل العيش
ابقوا اتفرجوا علي الفيديو الجميل ده اللي بيببن قد ايه امريكا واسرائيل طيبين واحنا ظالمينهم انتفضوا من اجل الفئران ولكن لا من اجل اطفال فلسطين !!
https://www.youtube.com/watch?v=V3YFtEXwEgo

ليست هناك تعليقات

s --> gtag('set', {'user_id': 'USER_ID'}); // Set the user ID using signed-in user_id. ga('set', 'userId', 'USER_ID'); // Set the user ID using signed-in user_id.