news

الزعل بيموت .. د.مجدي إسحق

الزعل بيموت .. د.مجدي إسحق

الزعل بيموت .. د.مجدي إسحق

الموت سر ، لا أحد يعرف أسبابه بالظبط، و لا حتي امهر الدكاترة.. سر في ايد الخالق ، مانح الحياة
لكن المؤكد أن الزعل بيموت ، يا بالبطيء يا أحيانا فجأة
الزعل مرتبط بهرمونات الحزن، الكورتيزول و الأدرينالين، اللي لما بينسكبوا في الدم بكميات مهولة ، الضغط بيعلي، و السكر بيتضاعف، و بيحصل اختلال في ضربات القلب، و ضيق في الشرايين؛ وراها علي طول نزيف في المخ أو انسداد في شرايين القلب ، و ضعف حاد في عضلة القلب و هبوط رهيب في الدورة الدموية 
العامل النفسي هو المتهم الأول دلوقتي في الوفاة ، و لقوا أن له ٣ أسباب

١-فقدان القوة علي حل المشاكل و الاحساس بالإحباط و القهر
Loss of power and frustration

٢-فقدان الامل
Loss of hope

٣-فقدان القدرة علي التحكم في مشاعر الحزن
Loss of depression control.. Overwhelming emtion


ده اللي بيفسر ليه فيه ناس (و دايما اللي عندهم حساسية عالية ) ، و اللي شايلين الزعل علي قلوبهم، بيمرضوا و يموتوا بدرى .. الزعل بيدمر حرفيا، و طاقته المرعبة بتقطع نياط القلب (الحبال اللي رابطة العضلات) ، و ده بيسموه متلازمة القلب المكسور
Broken heart syndrome 

اوعي تسيب حد زعلان ، انت كده بتقتله.. اسمعه و طيب خاطره، لمسة حب علي حضن دافي ممكن تنقذ حيات
و انت أوعي تسيب نفسك للحزن ، فضفض باللي جواك لحد بيحبك، و افتح قلبك بالصلاة لربنا اللي بيسمع الكل
قول للمجروح : سلامة قلبك ، سلامة نفسك، كلنا جنبك 

:شاهد كيف ان الاكتئاب والاحباط ادي بهذا الشاب الي الانتحار من فوق برج القاهرة
:شاهد فيديو الانتحار

ليست هناك تعليقات