⁦✌️⁩��مصدرك الاول للمعرفه

Post Top Ad

Your Ad Spot

الأربعاء، 11 ديسمبر 2019

ازاي اطلع تصريح امني للسفر وايه الدول اللي بتحتاجه ؟

ازاي اطلع تصريح امني للسفر وايه الدول اللي بتحتاجه ؟


يعني ايه تصريح امني ؟

ده تصريح بتاخده من ووزارة الداخلية مختلف عن تصريح الجيش اللى بيطلع للى فى سن التجنيد او خلص جيشه
وده لازم لبعض دول هو تصريح مش بتخرج من المطار الا لما تاخده الاول وبتسلمه ومتقلقوش مفيهوش اى مشكله حاجه كده عامله زى تصريح الجيش للى فى سن التجنيد 

بيطلع منين ؟

ده بيطلع من ظابط إدارة الاتصال بمصلحه الجوزات بمجمع التحرير هتلاقيها فى الدور التانى. غرفة رقم (15) ،لو ناس من محافظات لازم تطلعه من مجمع التحرير برضوة
الدول اللي بتحتاج التصريح الامني ؟

ازاي اطلع التصريح الامني ؟

وهنقلكوا خبرتنا بالتفصيل فى مجمع التحرير عشان نجيب المعلومات المؤكدة ونعرف كل الاوراق المطلوبه علشان نقدر نساعدك لاستخراج تصريح الامني 
 شهادة انك موظف من الشركة اللي انت فيها لو بتشتغل
صورة البطاقة
 تاشيرة دخول البلد اللي انت رايحها لو البلد دي بتطلب تاشيرة دخول
 الباسبور

هتاخد الاوراق المطلوبة وهتروح مكتب ظابط الاتصال في مجمع التحرير وهتاخد استماره تملاها بس خلي بالك وانت بتكتب البيانات بتاعتك ولازم تتاكد منها كويس جدااااا
ويكون معاك تاريخ ميلاد الاب ده مهم جدا
وبيحتاج اسم الاب رباعي وبعدين هتقدم الاستمارة والباسبور وهتاخد رقم في ملف وهتروح بعد اسبوع تستلم التصريح ولازم تروح بنفسك
وانت رايح بلاش تروح بدري اوي خليها علي 11 علشان الدنيا بتبقا زحمه

معلومات هامه جدااااا 👇👇👇

بلد زي تايلاند و ماليزيا و اندونسيا قدامك حاجتين 
مكتوب وظيفه ف باسبور (وظيفه مؤهل عالي مثل دكتور ، صيدلي 
مش محتاج تصريح امني
طالب او حاصل ع بكالوريس 
محتاج دعوة من اي حد ف البلد نفسها و بعد كده تقدر تطلع التصريح
*غير كده صعب جدا تسافر هتبقي مغامره كبيره
تركيا 
 لو طالب او خريج محتاج تأشيره زياره علشان تطلع التصريح و التأشيره ديه محتاجه دعوة من البلد برضوة
مكتوب وظيفة هتاخد فيزا سياحه عادي و تاخد الورق المطلوب و تطلع ع مجمع تجيب التصريح
لبنان فيزتها في مطار عند الوصول 
لو طالب او مؤهل لازم تطلع الفيزا من سفارة لبنان و تاخدها ع مجمع تطلع التصريح
جيورجيا فيزتها اونلاين فيها حالتين 
معاك اقامه ف اي دولة عربية تقدر تسافر عادي من غير تصريح
طالب او مؤهل او وظيفة لازم تطلع التأشيره من السفاره ف مصر و بعدين تطلع التصريح
الاردن 
لو طالب او حاصل ع بكالوريوس محتاج دعوه من البلد علشان تقدر تطلع التصريح امني
لو وظيفه عليا تقدر تسافر من غير تصريح
 كوريا الجنوبية 
فيها قلق كتير الفتره ديه ،يفضل تاخد التأشيره مش سياحيه ،تاخدها زياره بدعوه من هناك و تطلع بيها التصريح الامني
التصريح ده مش بيحتاجه اقل من ١٨ سنه او اكتر من ٤٥ سنة
ملحوظه هامه 😉 
•ناس كتيير ممكن تقولك انا سافرت الدول ديه من غير تصريح و عادي
تمام احنا مصدقينهم جداا لان ناس من التيم بتاعنا سافروا من غيره قبل كده
بس ده بيرجع لايه ؟؟؟؟
لنظره ظابط الجوازات ف المطار
احيانا بيقيم المسافر من اكتر من جانب 
دراسته و كليته ، محل الاقامه ، سبق ليه السفر ولا الباسبور ابيض

المصدر 

ليست هناك تعليقات:

إرسال تعليق

Post Top Ad